August 2014
আত্মহত্যা
আত্মহত্যা কৰিবাৰ
চায়া আছোং
*****
প্রান্তিক
কাইলকা নদীৰ ঘাটত
এইবাৰ ভৰ গর্ভৱতীৰ গর্ভত
সাতুৰা নাহয় ;
বোধ হয় ; মৰন খাটাং
*****
শ্লোগান
কোচ অবিনাশ প্রধানী
আইসো জাতীয়তাবাদেৰ গান গাই
যদি কথায় কই
আইসো জাতীয়তাবাদেৰ গান গাই
সময়েৰ ডাঙত নষ্ট হয়া যাওৱা
*****
*****
কাইলকা নদীৰ ঘাটত
আকাশ খানক নাহয় ;
পৃথিৱী খানক গড্ডি পৰা
দেখিলুং
এইবাৰ ভৰ গর্ভৱতীৰ গর্ভত
সাতুৰা নাহয় ;
জল তৰঙ্গৰ ভাজে ভাজে
এখান খেলাৰ আয়োজন
পাহাৰী যৌৱনেৰ শিপাগিলা
বিচিৰাইতে বিচিৰাইতে . . .
বাতাসেৰ উলুধ্বনিত
গোটায় সবুজগিলা গলি গেইল
বোধ হয় ; মৰন খাটাং
কিন্তু ক’ই
চান্দিয়া সূর্য্যটা না আৰো
ওলাং ওলাং
যাওয়া সপ্তাহত জন্ম নেওয়া
ছাওৱাটা
এলায় জনগনেৰ চিন্তা
একটা স্তনতে অৰ ভোক মিটায়
আৰ একটা ৰাখি থয় জনগনেৰ
বাদে
সম্প্রতি আইঞো আমাৰ
যন্ত্রনাত উশ্ পেশায়
হায় বিধাতা !
না বুজিলুই বা জীবনেৰ মায়া
একবাৰ তো দেখে দিবু
জনগনেৰ মুক্তিৰ ঘাটা ।।
*****
শ্লোগান
কোচ অবিনাশ প্রধানী
আইসো জাতীয়তাবাদেৰ গান গাই
যদি কথায় কই
তাহলে এইবাৰ অন্য সুৰত
যদি বসিয়ায় থাকি
তাহলে এইবাৰ অন্য ঢঙত
যদি চিল্লায় খায়
তাহলে এক নির্দিষ্ট সুৰত
আইসো জাতীয়তাবাদেৰ গান গাই
সময়েৰ ডাঙত নষ্ট হয়া যাওৱা
বেৰাৰ মাটি ;
নদীৰ ডোখৰনত
চুপ চাপে ঘুমি থাকা বালাৰ
চৰ
আইসো এইবাৰ ইত্যাদি
কথাগিলাৰ
মানে বিচিৰাই . . . .
এমুন কি কথা যে ;
বালিসটাও নাশুনা কৰি
মাওয়ে বাবাৰ কানত কৈছিল
ফুচ্ - ফুচ কৰি
আইসো ঠিক অমুন একটা
ভৰা যৌৱন বিচিৰাই ।।
*****
July 2014
লক্ষ্য
(গোটায় কামতাপুৰী বাহে আৰ মাহে
গিলাৰ হাতত)
- বন্দিতা কোচ
মুক্তিৰ খাতিৰত তুই
আৰ্ একবাৰ সপোনেৰ ছবিখান বদলাবা লাগিব
সর্বস্ব ত্যাগেৰ বিনিময়ত
জাতীয় সত্বা ৰক্ষাৰ ঘাটাত
সংগ্রামী পদক্ষেপ
মজবুত ৰূপত ফেলেবা লাগিব
লাগিলে যিয়েই নাহউক;
তুই ভাবিবা লাগিব
জীৱন নিজেৰ বাদে নাহয়
জনগনেৰ বাদে ....
হাতত তোৰ যয় কড়িয়ে থাকুক না কেনে
যদি তুই ঝোলা মেলে ৰাখিস
অভাব কি ?
তুই বুজিবা নাপাবু ....!
যদি তুই হাটিৰ চাইস
ৰাস্তা যতোয় খোদৰা-খাদৰি হউক না কেনে
তোৰ হাটিনি ফাবিবে .....
*****
পথিক
কোচ দেবীচৰণ দাস
আজি অনেক দিন পাছত
মাটিখান কিবা এক ভোগ-ভোগ গোন্ধাইছে
কিন্তুক ; হইলে কি হইবে !
সম্প্রতি যে ;
মুই মোৰ ভিতিৰাৰ গোপনীয়তা হাৰে ফেলাইছোং
এম্নেই তো আৰ .....
জীৱনেৰ ৰংগিলা ফেস্কি যায় নাই !
যাত্ৰা পথেৰ যুক্তিগিলাও যে মুছা খাওয়া
বাচি থাকাটা অন্য কথা নাহয়
কাৰ আৰ কিসেৰ বাদে বাচিবু
ঐটাহে মুস্কিল ;
সবুজ কি ! সে কথা তুইও জানিস
মুইও জানোং
পৰিৱর্তনেৰ বাদে ৰয়া থাকাটাহে যন্ত্ৰণা
নজৰতো যায় ৰইদত পুৰিয়া মৰ্-মৰা নাগা পাতেৰ কাতি
কিন্তুক ; কি কৰিম ....
সগাৰে চৌখত ‘ছান গ্লাচ’ !
সেই বাদেই তো কং
যদি সচায় মুক্তি চাইস ....
তাহলে বন্দুক ছাৰায় হাটিমো এইবাৰ জঙ্গল বুলি ।।
*****
নিসংগতা
(প্রিয় ধুনুৰ হাতত.....)
-
জেক কোচ
ৰাতিগিলা আৰ অমুন নাই
যেমুন তুই ছাৰি গেছিস ;
এলা নিসংগতাৰ ডোখৰণত কাণ ফাটে
চুপ-চাপে ঘুমি থাকা কবিতা গিলাও
অন্তৰখানত হুক-হুকি কান্দে
জাগি থাকা ৰাতি গিলা
নিগ্ৰি পৰে যন্ত্ৰনাত ছট্-পটে থাকা
কলমটাৰ চৌখেৰ জল হয়া
এলা সময় সময়েৰ হয়া
মোৰ হয়া নাই কাহোয় এলা ....
*****
No comments:
Post a Comment